أنا "علام الدالي " انت مين ؟
الهدوء يطبق على المكان ..الاوضه مظلمه ككل ماعادا مكتب عليه شمعة ،ورا المكتب فيه خيال بنى آدم بس إحنا مش شايفينه علشان بره مستوى النور على سبيل الغموض ، في الخلفيه تنبعث مزيكا " انديانا جونز" الشهيرة .. لدرجه إنك تحس إن "هاريسون فورد" ممكن يطلعلك فى الكادر في أى لحظه ! كل اللى باين أيده اللى بيسقى بيها البقسماط فى كوبايه الشاى بلبن اللى قدامه .. وبنلاقي دخان طالع فى الكادر مما يعطى إيحاء إنه بيدخن ..بيعلي المزيكا ويشد فى السيجارة اكتر كما هو واضح من الدخان الكتير .. ء
وطي ياض يا متخلف الموسيقى اللى شغالة دى ، العيال مش عارفة تذاكر!! ء
!قدسية المشهد ده كله باظت مع صوت الآستاذ " عبد المتجلى " المزعج
أووووووف، هو الواحد مايعرفش يكتب أو يبدع في أم العماره دي ؟!! ء
وفجأه يظهر لنا الشاب اللى كان ورا المكتب، تتصاعد الهتافات من الجمهور مع مزيد من الوووو والكوووول وأووووو وانزل ، انزل ! ء
مع ظهوره ...هو شاب واضح إنه فى العشرينات من عمره ، منكوش الشعر ، طويل الدقن ، نحيل الجسم لدرجه لا تصدق ، ولابس نضارة من النضارات الكعب كوباية دي .. المهم ، قام وطى المزيكا و فتح النور لتظهر لينا اوضته باوضح ما يكون .. بوسترات، بوسترات فى كل مكان ، "هاريسون فورد" ، "أحمد ذكي " ، "عادل امام" ،"داستن هوفمان " ،"داينزل واشنطن " ،"راسل كرو" ،"إبراهيم مخيون" - ومحدش يسالنى مين ده ! وغيره ! ، يقوم الشاب ويبص للكاميرا وعلى وشه إبتسامه هبله وسمجه ..ء
أنا " علام " ،اسم عجيب ، بس أبويا كان مصمم عليه كالخرتيت ، لدرجه إنه اتخانق مع العيلتين عشان يسمينى الاسم ده ، إتخرجت من كليه التجاره ومن يجي حوالي 7 سنين ، وطبعا زي أي شاب مصري بيحترم نفسه صممت إني أخد لقب "عاطل" ، من صغرى وأنا بحب الافلام، و السيما و عندى هوس إني أدخل إى فيلم لآى حد فى أي حته، وساعتها بس فى تلك اللحظه ، قررت انى أكتب !بس أنا بكتب القصه وأعيش احداثها بحذافيرها ، بعد مابخلص القصه بقعد أعيش مع أحلام يقظتى و أشوف نفسى فى القصه وأعيش كل حدث و كل مشهد فيها ...عشان كده كل أبطال قصصى أسمهم" علام" !! ء
ندخل فى الجد على طول من غير تشويق أكتر من كده
الحلقه الاولى بتتكلم عن
هل يستطيع "أبو دومه" أن يسيطر على العباسيه؟
هل سينقذ "ذا انكريدبل علام" أهالى العباسيه ويحظى بالمزز؟
هل سيلعب "حسنى عبد ربه " للاهلى أم ستراسبورج ؟
الويل لك
بل الويل لك أنت
ستدفع الثمن ها ها ها ها
قاتل بكيانك وحماسك وأموالك واحلامك وإيامك واكوابك ،وأقلامك، واشكالك، وأشلائك وك .. مع البطل " ذا انكريدبل علام "! ء
أحمد المصري
------------
No comments:
Post a Comment