اصطبحنا و اصطبح الملك لله يا ابني يا حبيبى وطي شويه عم "عمرو دياب" اللى إنت خانقنا بيه ده ، خلينى أعرف أتخمد !ء
خانقكم بيه ؟! إنت تطول تبقى "فتفوته" منه حتى ، قوم ياض إحنا بقينا العصر !ء-
فتفوته ؟! ..مفيش فايده أخويا إسماعين ده هيفضل أكبر مشكله فى حياتى برخامته وتناحته دى !ء
يجي إيه "عمرو دياب" ده جنبى ياض!ء -
نياهاهاهاه هااااا نياهاهاهاهاه اووووو اووو ااااااه !ء -
بصيت له بقرف كده وهو بيضحك ... هو بغباوته بضحكة الحشاشين بتاعته !هاقوم بقى و أمرى لله !! إيه ؟!! العصر ! يانهار إسود ومنيل بنيله !! سيهيييييير !، ده معادى معاها كان المفروض من ساعتين !!ء
بصيت على الموبايل كده وزى ما توقعت 55 ميسد كول و10 بليز كول مى من مجموعة أرقام مختلفه !ء
ده أنا هتنشر وأتغسل وأتطبق كمان ! يارب بس لما أسمعها حته "سيدى وصالك" ولا حاجه تهدى وما تفترسنيش!ء
قمت غسلت وشي ونكشت شعرى كالعاده ، هى دقنى وقف نموها على كده ولا إيه ؟
ما علينا ...إنطلقت بسرعه ووقفت اول تاكسى لقيته وأنا بدعى عليها وعلى اللى جابوها .. تاكسى؟! ده أنا محتاج كل جنيه عشان أجمع بيه فلوس الالبون ! المهم ..وصلت ولقيتها واقفه على باب "الكافيه"بتنفخ ووشها محمر ..بينى وبينكم خفت ومفاصلى سابت ، "سهير"دى أصلها قادره ومفتريه مايغركوش الوش السمح الجميل اللى بره ده ! -استعنا على الشقا بالله - إنزل يامصري بالجو الرومانسى وربنا معاك !ء
تدوي مزيكا اغنية "تيتانك"فى الأفق البعيد -يتحرك علام با"السلو موشن" فهو يقفز ويطير كالعصافير ويغنى
سيهير ..حياتي وعمري
حبوبة قلبييييييييييي
أنا من غيرك تفه ، أنا من غيرك ولا حاجه
خلااااااااااااااااااااااااااااااااااااااااااص-
المشهد كله وقف وإنتقلت الكاميرا بسرعه لتنقل لينا ال"رى أكشن" الخاص ب"سيهير" وهى بتجعر وبتصرخ وتقول
ياعم الله يحرقك إنت والمؤلف والحب في ساعه واحده ..إيييه؟ كل ده تأخير ؟ ساعتين مرميه قدام الكازينو واللي يسوى واللي مايسواش يعاكس فيا عشان مستنيه جنابك ؟ وكمان جي تتنطط زي فرقع لوز وفاكرلى نفسك "عمرو دياب"؟
وهي عماله تصرخ وتجعر في قلب الشارع ..لحد ما وصلت لأسم "عمرو دياب" وساعتها كنت خلاص هتجنن !ء
تانى "عمرو دياب" ؟! إرحمونى بقى ! هو حد مسلطك عليا إنتى وأخويا ولا إيه؟ ..أنا عارفه "منفسن" سمع إن مطرب جديد مسمع ومكسر الدنيا فى أول فيصل ليه وليه بقى النفسنه كلها تشتغل ،ويسلطك إنتى وأخويا ويبعت بلطجيه يضربوا كرسى فى الكلوب ! أول إمبارح في فرح الواد "زمباوى" ولولا ستر ربنا كان زمانى مرمي فى الانعاش دلوقتى ..عايزين منى إيييه؟ ؟ عيش وسبنى أعيش عيش وشبنى أعيشششششش!ء
وفجأه دوى تصقيف الماره الحاد فى الشارع على الأداء الدرامى العنيف اللى إندمجت فيه ، خصوصا وأنا بتشقلب وبشد فى شعري وفاتح دراعاتي الأتنين ووشى محمر والعروق خلاص هتنفجر ..إتأثرت أوى بالتصقيف ده، ولقيت دموعى بتنزل وأنا بنحنى للجمهور وبقولهم"شكرا مرسى أوي ياحبايبى ..تعالوا كل يوم "!ء
ولقيت "مامبينو" صغير كده جي عليا وبيشد في مامته وبيقولها "إلحقى ياماما ..الولد بتاع تامر وشوقيه أهو بتاع يو يو يو ..هييه هيييه "!ء
بصيت له كده بإشمئزاز وأنا بقول فى سري "منك لله يا أحمد يا مكي وقفت حالي ..خلاص بقى أي حد مربي شعره ومحدد دقنه يبقى بيقلدك !ء
خدت"سيهير" من إيدها ودخلنا "الكازينو" قعدنا على نفس الترابيزه اللى على النيل وزي اي عاشقين مصريين طلبنا كوبايتين الليمون ،نفس الجرسون السئيل اللى طول الوقت عمال يغمزلي ويقولي "أيوه ياعم " لدرجه إني إفتكرت إن عنده مشكله فى عينه ، أكيد ده المرض الكلابى !ء
أصل بينى وبينكم أنا مش حمل ولا أد "الكافيهات" المحترمه ،تاخد البنت من دول وتدفع دم قلبك ..يابا مش طالبه!ء
عجبك الفيلم الهندى اللي حصل بره ده ..فرجتي الناس عليا- غير بتاعة رامي صبري طبعا ..نياهاهاهاها-
وليك عين تضحك كمان يا سخيف يا رخم ، قال يعني الواد متضايق من تصقيف الواد على الحبشتكانات اللي عاملها دي ! تلاقيك كنت طاير من الفرحه ..ده مفيش حد صقف لك كده فى حياتك يا راجل ! ولا هامك البنت الجميله الرقيقه المزه اللي مستنياك ..أنا كل مره كده لازم أمسك في خناق واحد بيعاكسني وأولع فيه لحد ما الناس تسلكه مني ..مش ممكن يعنى كده !ء
يا حبيبتي بغض النظر عن إن مفيش أنثى رقيقه بتقول حبشتكنات وبغض النظر كمان عن الواد اللي إنتى ضربتيه الأسبوع اللى فات،إاعتكف وبيصلى كل الفروض فى الجامع دلوقتي ،فيا حياتي عدي لي بقى - إنتي عارفه إني قاعد طول اليوم بلحن ..لازم أحقق حلمي يا سيهير ..لازم أجمع فلوس الألبون!ء
تابع معانا الحلقه القادمه والمميزه والمشوقه تنين - من علام المغنواتى يتحدى عموره المطرباتي !ء-
أحمد المصري
--------------------
No comments:
Post a Comment