تكمله الجزء الاول "علام ذا انكريدبل" ء
^
^
^
طرااخ - بووووم - زريبووووو...ااى ..اوتش ..ااخ.. خوود دي
إنت بتضرب ضرب قديم أوى يااض ..هوريك يا" أبو دومه " يادزمه ..سي سو -سي سو سوو..شفت أنت الحته اليابانى دى ؟ نياهاهاهاها ..أنت بتخم على فكره ..الماشط ده طول أوى - خد القاضيه دي-اااااااااااااااه فسسسسسسسس !!ء
على صوت الفسفسه دى وبعد صراع محتدم ،استخدمت فيه كل الطرق المشروعه والغيرمشروعه ، وتوفيرا على اللى بيقروا من ملل الوصف الحرفى للقتال ،والماشط الحامى اللى كان ما بين البطل "ذا انكريدبل علام "والوغد" أبو دومه" ..نقدر نقول ان البطل "علام" مخذلناش و أستطاع أن يقضى على هذا الوحش المتضخم فى كل شىء و اللى محدش يعرف جيه منين !ء
ناس تقولك من "بولاق" واللى يقولك من "حدايق القبه " وأبعد الاحتمالاات أنه كان جاى من "الدلنجات" وده إحتمال بعيد جدا بسبب العلاقات الحميمه ما بين أهالى "الدلنجات" و أهالى "العباسيه"..ناهيك عن عدم توافر الاحجام "الجامبو" دى اصلا فى "الدلنجات" ! ء
المهم أنه جه وقرر يجيب "العباسيه" عاليها واطيها ..ولكن هيهاااات !ء
في"العباسيه" يوجد رجال شرفاء ،اختصوا بحمايه الاراضى الطاهرة من أي غزوخارجى أو "نفسنه"من الاحياء الاخرى ..طبعا انا شايف القراء بيضربوا كف بكف ،وبيدعوا ان المؤلف بيحور عليهم ،ليه بقى ؟ عشان احنا قولنا فى الحلقه اللى فاتت إنه ضخم الجثة وعامل 15 متر بالميت!! و المؤلف بيرد عليهم ويقول لهم إنه لو كان صبر القاتل على المقتول كان المقتول لحق يروح "شرم" و يسوى "شوبنج"!ء
القصه ببساطه إن "مرفق إطفاء العباسيه"كان له دور بطولى فى الموضوع ،فبالاستعاانه بعربيه إطفاء "سكستين فالف"خدها البطل "علام"غصما وأقتدارا رغم إنها عهده حكوميه ،إاستطاع علام بسلمها الطويل أوى الوصول ل"لغد" المذكور"أبو دومه"...ومن لم خدوده المكلبظه ..وتلطيشه على رواقه..لحد ما أنتهى الصراع بالطريقه اللى قلنا عليها !
بعدها ماأقلكوش على اللى حصل !ء
أقيمت الافراح والليالى الملاح ،ودقت الطبول ،وذبحت العجول، وأنهارت "المزز"من فرط الاعجاب ببطوله "علام" وشجاعته وقلبه الميت ، ورغم أنه لا يمت لنجوم السيما فى الشكل بأى حاجه ولكن تغاضت المزز عن ذلك بسبب عنفوانه ..هذا وقد سمعنا الصريخ والصويت يهز "العباسيه" !ء
نعيمه: "يا خراشى على شجاعه أهله "ء
نعمات: "لآ ياعلومه لآ ..لآ ملكش حق"ء
إنعام: "أنا عايزه من ده يا حزممممممممبل"ء
نعومه: "ياااه..لااااا..أووووووه..اااه ..علاااام..علااااام ..اووو اووو"ء
وقام شباب "العباسيه" بحمل البطل على الاعناق ،وأنهالت عليه القبلات والاحضان، وأنهالت من" البلكونات" الورود و أطباق "الجاتوه" و "أم على " و "حلل المحشى" وتطوعت" أم ستيته" وطلبت ل "علام" "دليفرى" من هارديز" !ء
وفى قهوه "ولاد إبو اسماعين" المجاوره للمعبد اليهودى فى "العباسيه"، إجتمع معلم القهوه الشهير مع كبرات العباسيه ب "علام" وقرروا إهداءه وسام العباسيه من الدرجه الأولى ، تقديرا لجهوده وشجاعته الخارقه فى إنقاذهم من"أبو دومه" بل و من شده حماسهم قرروا ان يعينوه واليا على "حى العباسيه" مع إشتراك كامل لمده سنه فى"مركزشباب العباسيه" ورحله 3 أيام شامله الاقامه ومصروف الجيب والمواصلات ل"جمصه"ومشاريب فى القهوم بالمجان مدى الحياة !ء
اييييييه الحمد لله ..عديت على خير يا أبو الأعلام ..بكده تكون مغامرات "ذا أنكريدبل علام " خلصت و الحمد لله مسح ب "أبو دومه " شوارع العباسيه
الحلقه اللى جايه هايكون تقمص جديد لشخصية جديدة بأحداثها بحواراتها ببابا غنوجها ،ياترى هتكون ايه وعلام هيطلع بشكل أيه المره دى ؟ خدوا العناوين بتاعه الحلقه اللى جايه وبالشفاا
القصه اللى جايا بتتكلم عن الأتى
مين هو علام المغنواتى ؟
كيف يصبح عمرو دياب هو عقدة حياة علام ؟
هل يكسب التحدى وياخد الهامر من حباب عينين عمرو دياب؟
اقرا معانا تفاصيل الحلقه القادمه من علام المغنواتى فى تحديه لعمرو دياب اللى بيركب هامر وبياكل مربى يوماتى!
أحمد المصري
--------------
No comments:
Post a Comment